૧. જોધપુર શહેર ક્યા રાજયમાં આવેલું છે ?
(A) ગુજરાત 
(B) રાજસ્થાન 
(C) મધ્યપ્રદેશ 
(D) મહારાષ્ટ્ર
ઉત્તર : B

૨. ખેજડી ગામ ક્યાં આવેલું છે ?
ઉત્તર : ખેજડી ગામ રાજસ્થાનના જોધપુર શહેરની નજીક આવેલું છે.

3. ગામનું નામ ખેજડી કેમ પડ્યું ?
ઉત્તર : આ ગામમાં ખેજડીનાં ઘણાં ઝાડ ઊગતાં હતાં એટલે આ ગામનું નામ ખેજડી પડી ગયું.

૪. ખેજડી ગામના લોકો માત્ર પ્રાણીઓને જ પ્રેમ કરતા હતા. (√ કે ×)
ઉત્તર : ×

૫. ખેજડી ગામના લોકો ___અને ____ ને પ્રેમ કરતા હતા.
ઉત્તર : ઝાડવાં, પ્રાણીઓ

૬. ગામના લોકો વૃક્ષો માટે શું કહેતા હતા ?
ઉત્તર : ગામના લોકો વૃક્ષો માટે કહેતા,“વૃક્ષો છે, તો જ આપણે છીએ.”

૭. અમૃતા _____ ગામની વતની હતી.
ઉત્તર : ખેજડી

૮.અમૃતા સવારે મોડી ઉઠતી હતી. (√ કે ×)
ઉત્તર : ×

૯. અમૃતા કોને વહાલ કરતી હતી ?
ઉત્તર : અમૃતા વૃક્ષોને વહાલ કરતી હતી.

૧૦. અમૃતા વૃક્ષને શું કહેતી હતી ?
ઉત્તર : અમૃતા વૃક્ષને કહેતી, "અરે, તું મજબૂત છે, ખૂબ જ સુંદર છે. અમને સંભાળે છે, હું તને ખૂબ પ્રેમ કરું છું. મનેય તારા જેવી બનાવ."

૧૧. ખેજડી ગામના બધાં બાળકોને તેમનાં ખાસ વૃક્ષો હતાં. (√ કે ×)
ઉત્તર : √

૧૨. ખેજડી ગામનાં બાળકો ક્યાં કલાકો સુધી રમતાં હતાં ?
ઉત્તર : ખેજડી ગામનાં બાળકો વૃક્ષોનાં છાંયડામાં કલાકો સુધી રમતા હતાં.

૧૩. તમારા ઘર કે શાળા પાસે નજીકમાં કયાં વૃક્ષો વાવેલાં છે ?
ઉત્તર : અમારા ઘરની પાસે, બગીચામાં અને શાળાના મેદાનમાં ચારેય બાજુ વૃક્ષો વાવેલાં છે.

૧૪. લોકો ઝાડ કેમ વાવે છે ?
ઉત્તર : લોકો છાંયડો, ફળ, ફૂલ તથા ઘરની શોભા વધારવા માટે ઝાડ વાવે છે.

૧૫. તમે કોઈને છોડવાઓને પાણી પિવડાવતાં જોયા છે ? કોણ પાણી પિવડાવે છે ?
ઉત્તર : હા, માળીને છોડવાઓને પાણી પિવડાવતાં જોયા છે.

૧૬. છોડવાઓને નિયમિત પાણી પિવડાવવું જોઈએ. (√ કે ×)
ઉત્તર : √

૧૭. વૃક્ષો પર કયાં કયાં ફળો જોવા મળે છે ? આ ફળો કોણ ખાય છે ?
ઉત્તર : વૃક્ષો પર કેરી, ચીકુ, જામફળ, સીતાફળ વગેરે ફળો જોવા મળે છે. કેટલાંક પક્ષીઓ અને વાંદરાં આ ફળો ખાય છે. ફળો બજારમાં વેચાય છે. ત્યાંથી ખરીદીને લોકો ખાય છે.

૧૮. જ્યાં વૃક્ષો કે છોડ કોઈના વાવ્યા વગર પોતાની જાતે ઊગતાં હોય તેવી જગ્યા જણાવો . આ ઝાડ કેવી રીતે ઊગ્યાં હશે ?
ઉત્તર : મેદાન, બગીચા તથા રોડની આસપાસ જ્યાં ખુલ્લી જમીન છે ત્યાં નાના છોડ કે ઘાસ કે બીજાં વૃક્ષોના છોડ ઘણી વખત જાતે ઊગે છે, તેમજ પશુ - પક્ષીઓ અનાજના દાણા , ફળ વગેરે ખાય છે ત્યારે તેનાં કેટલાંક બીજ આખાં જ ગળી જય છે. તે તેમના મળ દ્વારા જયાં ત્યાં ફેલાયેલાં હોય છે . ઘણી વખત આપણે પણ ઠળિયા ગમે ત્યાં નાખીએ છીએ. આ ઠળિયા કે બીજ જમીનમાં દબાઈ ગયા બાદ તેને પાણી અને યોગ્ય વાતાવરણ મળતાં અંકુરિત થઈને છોડનું રૂપ ધારણ કરે છે.

૧૯. અમૃતાએ વૃક્ષો આગળ કોને જોયા ?
(A) રાજાને 
(B) પ્રાણીઓને 
(C) અજાણ્યા માણસોને
(D) કઠિયારાને
ઉત્તર : C

૨૦. અજાણ્યા માણસો ____________  લઈને આવ્યા હતા.
ઉત્તર : કુહાડી

૨૧. માણસોને રાજાએ મોકલ્યા જતા. (√ કે ×)
ઉત્તર : √

૨૨. રાજાએ શા માટે વૃક્ષો કાપવા માણસો મોકલ્યા હતા ?
ઉત્તર : રાજાનો મહેલ બનતો હતો. આ મહેલ બનાવવા લાકડાની જરૂર હતી, આથી રાજાએ આ મહેલ માટે જરૂરી લાકડાં મેળવવા માણસોને વૃક્ષો કાપવા મોકલ્યા હતા.

૨૩. વૃક્ષને બચાવવા અમૃતાએ શું કર્યું ?
ઉત્તર : વૃક્ષને બચાવવા અમૃતા વૃક્ષની પાસે ગઈ. તેણે વૃક્ષના થડની આજુબાજુ હાથ મૂકી વૃક્ષને જોરથી બાથમાં લીધું . રાજાના માણસોએ તેને ડરાવવા બૂમો પાડી પણ તે ન હટી. તેણે પોતાના જીવના ભોગે પણ વૃક્ષોને બચાવવા પ્રયત્ન કર્યા.

૨૪. અમૃતાની છોકરીઓ ડરીને ભાગી ગઈ. (√ કે ×) 
ઉત્તર : ×

૨૫. ગામના કેટલા ઘરડા અને યુવાન માણસોએ વૃક્ષોનું રક્ષણ કરવા બાથ ભરી ?
(A) ૧૦ 
(B) ૨૦ 
(C) ૧૦૦
(D) ૨૦૦
ઉત્તર : C

૨૬. અમૃતા અને તેની છોકરીઓ વૃક્ષો બચાવવા મરી ગયાં . ( √ કે × )
ઉત્તર : √

૨૭. રાજાએ શા માટે ખેજડી ગામની મુલાકાત લીધી ? 
ઉત્તર : રાજાએ જયારે સાંભળ્યું કે વૃક્ષોને બચાવવા લોકોએ જીવની પરવા ન કરી. તેને આ વાતનો વિશ્વાસ ન થયો. આ વાતની ખાતરી કરવા માટે રાજા એ ખેજડી ગામની મુલાકાત લીધી.