૧. _____ ના જન્મથી કિરણના પરિવારમાં ખુશીનો માહોલ હતો.
ઉત્તર : નાની બેબી

૨. કિરણના કુટુંબમાં પહેલાં કેટલા સભ્યો હતા ? કયા કયા ?
ઉત્તર : કિરણના કુટુંબમાં પહેલાં પાંચ સભ્યો હતા. દાદા-દાદી, મમ્મી-પપ્પા અને કિરણ.

૩. કિરણના કુટુંબમાં નાની બેબીના જન્મ બાદ કેટલા સભ્યો થયા ?
(A) ૪ 
(B) ૫ 
(C) ૬
(D) ૭
ઉત્તર : C

૪. કિરણ તેની બેનના જન્મ બાદ તેનો દિવસ કેવી રીતે વિતાવશે ?
ઉત્તર : કિરણ તેની બેનના જન્મ બાદ તેના દિવસનો મોટા ભાગનો સમય નાની બહેનને રમાડવામાં વિતાવશે. થોડો સમય ભણવામાં તથા શાળાએ જવામાં પણ વિતાવશે.

૫. નાની બેબીના જન્મ બાદ કિરણની મમ્મીને કયાં કયાં કામ વધશે ?
ઉત્તર : નાની બેબીના જન્મ બાદ કિરણની મમ્મીને ઘરનાં અન્ય કામો સાથે નાની બેબીનું ધ્યાન રાખવું, તેના માટે જરૂરી ચીજવસ્તુઓની સફાઈ કરવી, તેને ખવડાવવું, સુવડાવવી વગેરે કામ વધશે.

૬. ઘરમાં નાનું બાળક હોય તો ઘરમાં કેવા ફેરફાર જોવા મળશે ?
ઉત્તર : ધરમાં નાનું બાળક હોય તો ઘરના દરેક સભ્યનું ધ્યાન તેની દેખરેખ રાખવામાં, તેને રમાડવામાં તથા તેની સુવિધાઓ સાચવવામાં જ હોય છે.

૭. બાળકને જન્મથી જ દાંત હોય છે. (√ કે ×)
ઉત્તર : √

૮. ધરમાં નાના બાળકની દેખરેખ રાખવાની જવાબદારી માત્ર બાળકનાં માતાની જ હોય છે. ( √ કે ×)
ઉત્તર : ×

૯. જે ઘરમાં નાનું બાળક હોય તે ઘરમાં બાળકના પિતાની દિનચર્યામાં કેવો ફેરફાર આવતો હશે તે વિચારીને લખો.
ઉત્તર : બાળક્ના પિતા હવે ઑફિસથી આવ્યા બાદ બાળક સાથે વધુ સમય વિતાવતા હશે. હવે, ઘરનાં નાનાં-મોટાં કામમાં પણ તે મદદ કરતા હશે.

૧૦. સુમીના પિતાજી ___ નોકરી કરે છે.
ઉત્તર : સરકારી

૧૧. સુમીના પિતાજીને બઢતી મળવાની સાથે તેમની બદલી પણ થઈ. ( √ કે ×)
ઉત્તર : √

૧૨. દરેક સરકારી કર્મચારીને બઢતી સાથે બીજી શહેરમાં બદલી પણ થાય જ. ( √ કે ×)
ઉત્તર : ×

૧૩. સુમીના પિતાજીની બઢતીથી ક્યું પરિવર્તન આવશે ? 
ઉત્તર : સુમીના પિતાજીની બઢતી સાથે તેમની બદલી પણ થઈ. આથી, તેમણે હવે આ શહેર છોડીને બીજા શહેરમાં રહેવા જવું પડશે.

૧૪. સુમીના કુટુંબે નવા શહેરમાં રહેવા જવા માટે કઈ કઈ તૈયારીઓ કરવી પડશે ?
ઉત્તર : નવું ઘર ખરીદવું કે ભાડે લેવું પડશે. ત્યાં રહેવા માટે જરૂરી સામાન જૂના ઘરેથી લઈ જવો પડશે . અથવા નવો ખરીદવો પડશે . સુમીને નવી શાળામાં પ્રવેશ લેવો પડશે....વગેરે ઘણી બધી તૈયારીઓ કરવી પડશે.

૧૫. સુમીના પિતાજી સાથે કોણ કોણ નવા શહેરમાં જશે?
ઉત્તર : સુમીના પિતાજી સાથે સુમીનાં માતા અને સુમી નવા શહેરમાં જશે.

૧૬. સુમીનાં દાદા-દાદી કેમ બીજા શહેરમાં રહેવા નહિ ગયાં હોય ? વિચારીને લખો.
ઉત્તર : કદાચ સુમીનાં દાદા-દાદી અત્યારે જ્યાં રહે છે ત્યાં વર્ષોથી રહેતાં હોવાથી તેમણે નવા શહેરમાં રહેવા જવાનું ટાળ્યું હોય અથવા તેઓ અર્ધી કોઈક આર્થિક પ્રવૃત્તિ કરતાં હોય અથવા સુમીના કાકા પણ તેમની જોડે જ રહેતા હોય.

૧૭. સુમીને હવે નવા મિત્રો બનાવવા પડશે. (√ કે ×)
ઉત્તર : √

૧૮. તમારા વર્ગમાં છેલ્લે કોણે પ્રવેશ લીધો ? કેમ ?
ઉત્તર : (નમૂનારૂપ ઉત્તર) મારા વર્ગમાં રોહન નામના એક બાળકે પ્રવેશ લીધો, કારણ કે તેના પપ્પાની બદલી થવાથી તેઓ અમારા શહેરમાં નવા રહેવા આવ્યાં છે.

૧૯. દિપાલીના ઘરે સૌ શા માટે ખુશ છે ?
ઉત્તર : દિપાલીના કાકાના દીકરાનાં લગન હેવાથી સૌ ખુશ છે.

૨૦. લગ્નમાં કયા કયા પ્રસંગોની ઉજવણી કરવામાં આવે છે?
ઉત્તર : લગ્નમાં મહેંદી, ગણેશપૂજા, વરઘોડો, હસ્તમેળાપ, મંગળફેરા, કન્યાવિદાય જેવા પ્રસંગોની ઉજવણી કરવામાં આવે છે.

૨૧. દિપાલીના કાકાના દીકરાનાં લગ્ન થવાથી તેના ઘરમાં શું ફેરફાર થશે ?
ઉત્તર : દિપાલીના કાકાના દીકરાનાં લગ્ન થતાં તેમના ઘરમાં એક નવા સભ્યનો ઉમેરો થશે. દિપાલીને ભાભી મળશે.

૨૨. દીકરી સાસરે જાય, ત્યારે તેનાં માતા-પિતાને કેવી લાગણી થાય છે ?
ઉત્તર : દીકરી સાસરે જાય, ત્યારે તેનાં માતા-પિતાને તેમની દીકરી તેમનાથી દૂર બીજા ઘરે વળાવવાનું દુઃખ પણ થાય છે અને તે સારા કુટુંબમાં પરણીને પોતાનો ઘરસંસાર સુખેથી શરૂ કરશે તેનો આનંદ પણ હોય છે.